唔好再亂捉鬼！唔好再玩小學雞「暗黑文宣」！
1. 捉鬼係現場嘅人自己發現就會捉到，你班冷氣軍師睇相/片鳩捉係冇意思，同埋前線要提防嘅只係捉人嘅鬼，幫手武力升級嘅鬼根本係助攻，同埋如果情況可疑，前線自己都有能力判斷跟唔跟。
2. 你哋啲懶醒暗黑文宣根本無法改變啲偽中立/藍絲立場，就算佢哋信咗警察有份扮示威者衝擊，都唔會轉軚支持抗爭，更遑論作出任何貢獻。
3. 如果你意圖以謠言、假新聞去愚弄啲唔理解抗爭者嘅無知群眾/無腦藍絲，你係自貶身價，侮辱緊自己人智慧，何況以假消息誤導他人本來就違背民主精神。
呢個唔係道德潔癖，而係對家玩誤導玩fake news嘅資源同招數都高你幾百倍，你不自量力咁用呢啲所謂「奸招」完全係幼稚。
4. 唔好以為所有「黃絲」都好聰明，估到你哋玩緊暗黑文宣，亦唔好樂觀到以為所有同路人都已經完全接受武力行動。如果佢哋真心信咗放火、掟嘢都係鬼做/煽動，咁長遠而言只會加深佢哋對前線嘅誤解，割蓆、篤灰嘅時代就會重臨（呢排已經有啲亂cap大頭捉鬼捉錯人）。
5. 捉鬼會對武力升級造成阻力，就算喺前線，敢於反攻嘅人仍然非多數，你哋仲係見到掟嘢、放火就話係鬼做/煽動，會加深前線嘅顧慮。我哋要多啲勇氣，而非更多猜疑。
6. 敢於反攻嘅前線係有覺悟去承擔武力行動嘅風險，甚至連生命都豁出去。佢哋要嘅係打從心底嘅支持，係真正嘅不割蓆，而唔係冷氣軍師一邊話「核彈都唔割」一邊自作聰明地鳩spin，將武力行動污名化。唔該你哋肯定前線嘅功績，將佢哋應得嘅榮耀畀返佢哋，無論佢哋做咗咩都同佢哋一齊承擔，而唔係閃閃縮縮，咁先叫同佢哋企喺同一陣線。
唔係上前線嘅，唔該做好後援，做好為以武制暴正名嘅文宣，唔好當自己神探/謀略家。
Search